ନବରାତ୍ରୀର ପଞ୍ଚମ ଦିନ କରନ୍ତୁ ସ୍କନ୍ଦମାତାଙ୍କ ପୂଜାର୍ଚ୍ଚନା
Navratri 2024 Day 5: ଆଜି ନବରାତ୍ରୀର ପଞ୍ଚମ ଦିନରେ ମାତା ସ୍କନ୍ଧମାତାଙ୍କ ପୂଜାର୍ଚ୍ଚନା କରାଯାଉଛି । ସ୍କନ୍ଦାମାତା ଦେବୀ ଦୁର୍ଗାଙ୍କର ଅନ୍ୟ ଏକ ରୂପ । ଅଶୁଦ୍ଧ ଚିନ୍ତାଧାରାରୁ ନିଜକୁ ଶୁଦ୍ଧ କରିବା ଏବଂ ସାଂସାରିକ ଚାପରୁ ମୁକ୍ତି ପାଇବା ପାଇଁ ଦେବୀଙ୍କୁ ଭକ୍ତମାନେ ପୂଜାର୍ଚ୍ଚନା କରିଥାନ୍ତି। ମାନ୍ୟତା ରହିଛି ଯେ ମା' ଦୁର୍ଗାଙ୍କ ପଞ୍ଚମ ରୂପ ଦେବୀ ସ୍କନ୍ଧମାତାଙ୍କୁ ପୂଜା କରିବା ଦ୍ୱାରା ଭକ୍ତଙ୍କ ସମସ୍ତ ଇଚ୍ଛା ପୂରଣ ହୋଇଥାଏ । ଏହାସହ ମାଆଙ୍କୁ ମୋକ୍ଷର ଦ୍ୱାର ଉନ୍ମୁକ୍ତକାରିଣୀ ବୋଲି ମଧ୍ୟ କୁହାଯାଏ । ମା'ଙ୍କର ଏହି ରୂପକୁ ପୂଜା କରିବା ଦ୍ୱାରା ଜୀବନ ସୁଖରେ ପରିପୂର୍ଣ୍ଣ ହୋଇଥାଏ ।
ସୂର୍ଯ୍ୟୋଦୟ ପୂର୍ବରୁ ସ୍ନାନ କରିବା ପରେ ସବୁଜ ପୋଷାକ ପିନ୍ଧନ୍ତୁ ଏବଂ ଦେବୀଙ୍କୁ ସବୁଜ ଚୁଡି଼, ସବୁଜ ଶାଢୀ, ମେହେନ୍ଦି, ସିନ୍ଦୁର, ଅକ୍ଷତ ଅର୍ପଣ କରନ୍ତୁ । ମାନ୍ୟତା ରହିଛି ମା'ଙ୍କୁ ଏହି ଦିନ ହଳଦିଆ ଫୁଲ ଅର୍ପଣ କରି ପୂଜାର୍ଚ୍ଚନା କଲେ ସନ୍ତାନ ପ୍ରାପ୍ତି ହୋଇଥାଏ ଏବଂ ପିଲାମାନଙ୍କୁ ସୁଫଳ ମିଳିବା ସହ ଘରେ ସୁଖ ଶାନ୍ତି ରହିଥାଏ ।
ସ୍କନ୍ଦମାତାଙ୍କ ପୂଜାରେ ସବୁଜ ରଙ୍ଗ ବ୍ୟବହାର କରନ୍ତୁ । ବିଶ୍ୱାସ ଅନୁଯାୟୀ, ଦେବୀ ଏଥିରେ ଅତ୍ୟନ୍ତ ସନ୍ତୁଷ୍ଟ ହୁଅନ୍ତି । ସବୁଜ ରଙ୍ଗ ଆପଣଙ୍କୁ କିଛି ନୂଆ ଚେଷ୍ଟା କରିବାକୁ ପ୍ରେରଣା ଦିଏ । ଧୂପ-ଦୀପ ଲଗାଇ ଦୁର୍ଗା ଚାଳିଶା ପାଠ କରିବେ ଓ ମା'ଙ୍କ ଆଳତୀ କରନ୍ତୁ । ମା'ଙ୍କ ପାଖରେ ମିଠା ଏବଂ ପାଞ୍ଚ ପ୍ରକାରର ଫଳ ଭୋଗ ଲାଗି କରନ୍ତୁ । ମା' । ମାଆଙ୍କ ଅତ୍ୟନ୍ତ ପ୍ରିୟ କଦଳୀ ଉପଭୋଗ କରନ୍ତୁ । ଖିରି ପ୍ରସାଦ ମଧ୍ୟ ଅର୍ପଣ କରିପାରିବେ । ଶେଷରେ ମା'ଙ୍କ ପାଖରେ ଧ୍ୟାନ କରିବା ଭୁଲନ୍ତୁ ନାହିଁ ।
Click it and Unblock the Notifications
Sign in with Google