ମହାମାୟାଙ୍କ ମହାନବମୀ ପୂଜା, ଶ୍ଲୋକ ଓ ଚଣ୍ତୀପାଠରେ କମ୍ପୁଛି ସମସ୍ତ ପୂଜା ମଣ୍ତପ

ମଣ୍ତପରେ ମହାମାୟାଙ୍କ ମହାନବମୀ ପୂଜା,

Updated: Tuesday, October 4, 2022, 19:29 [IST]

ଭୁବନେଶ୍ୱର: ଆଜି ମଣ୍ତପରେ ଚାଲିଛି ମାଆଙ୍କ ମହାନବମୀ ପୂଜା । ସେହିପରି ଶକ୍ତିପୀଠରେ ଜଗତ ଜନନୀଙ୍କ ଦଶମୀ ପୂଜା । ଶାରଦୀୟ ଦୁର୍ଗାପୂଜା ପାଇଁ ସବୁଠି ଉତ୍ସାହର ମାହୋଲ । ମା'ଜଗତ ଜନନୀ ଦୁର୍ଗାଙ୍କ ଦର୍ଶନ ପାଇଁ ଆଜି ପ୍ରତ୍ୟକ ମଣ୍ତପରେ ନାହିଁ ନଥିବା ଭିଡ଼ ପରିଲକ୍ଷିତ ହୋଇଛି । ଆଜି ସକାଳୁ ମା'ଙ୍କ ମହାନବମୀ ପୂଜା ପାଇଁ ଶ୍ଲୋକ ଓ ଚଣ୍ତୀପାଠରେ କମ୍ପୁଛି ସମସ୍ତ ପୂଜା ମଣ୍ତପ । ମନ ଜିଣୁଛି ଚିତ୍ତାକର୍ଷକ ତୋରଣ । ଶ୍ରଦ୍ଧାଳୁମାନେ ମା'ଙ୍କ ଦର୍ଶନ କରିବା ସହ ପୂଜାର୍ଚ୍ଚନା କରୁଛନ୍ତି । ଆଜି ମଣ୍ତପରେ ସକାଳୁ ବିଭିନ୍ନ ନୀତିକାନ୍ତି କରାଯାଇ ମା'ଙ୍କ ଆରାଧନା କରାଯାଉଛି । ଆଳତି, ପୁଷ୍ପାଞ୍ଜଳି ସରିବା ପରେ ସଂଧ୍ୟାରେ କୁମାରୀ ପୂଜା କରାଯିବ ।

ସୂଚନା ଅନୁସାରେ, ଚଳିତ ବର୍ଷ ରାଜଧାନୀରେ ଛୋଟ ବଡ଼ ମିଶାଇ ୧୭୮ଟି ମଣ୍ତପରେ ସୁନା,ରୁପାରେ ସଜ୍ୱିତ ହୋଇ ପୂଜା ପାଉଛନ୍ତି ମା'ଦୁର୍ଗତିନାଶିନୀ । ଭୁବନେଶ୍ୱର ସମେତ କଟକ, ବାଲେଶ୍ୱର,ବ୍ରହ୍ମପୁର ସହ ରାଜ୍ୟରେ ବିଭିନ୍ନ ସ୍ଥାନରେ ବେଶ୍ ଉତ୍ସାହର ସହ ପାଳନ କରାଯାଉଛି ଦୁର୍ଗାପୂଜା । ପୂଜା କମିଟି ପକ୍ଷରୁ ଆୟୋଜନ କରାଯାଇଥିବା ସାଂସ୍କୃତିକ କାର୍ଯ୍ୟକ୍ରମ ଉପଭୋଗ କରୁଛନ୍ତି ଦର୍ଶକ । ଆଜି ନବମୀ ଓ ଆସନ୍ତାକାଲି ବିଜୟା ଦଶମୀ ପାଇଁ ମଣ୍ତପରେ ଭକ୍ତଙ୍କର ପ୍ରବଳ ଭିଡ଼ ସମ୍ଭାବନା ଥିବାରୁ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ବିଶେଷ କରି ଟ୍ରାଫିକ ନିୟନ୍ତ୍ରଣ ପାଇଁ ପୋଲିସ ପକ୍ଷରୁ ସମସ୍ତ ପ୍ରକାରର ବନ୍ଦୋବସ୍ତ କରାଯାଇଛି ।

ସେପଟେ ବାଲେଶ୍ୱରର ଆର୍ଷଣର କେନ୍ଦ୍ରବିନ୍ଦୁ ପାଲଟିଛି ହେମକପଦର ପୂଜା ମଣ୍ତପ । ଯେଉଁଠି ବିନା ମହିଷାସୂରରେ ମାଆଙ୍କ ପୂଜାର୍ଚ୍ଚନା କରାଯାଉଛି । ପୂଜା ମଣ୍ତପରେ ମାଙ୍କ ସହ ଶ୍ରୀରାଜଚନ୍ଦ୍ର, ଲକ୍ଷ୍ମଣ, ହନୁମାନ, ସୁଗ୍ରୀବଙ୍କର ପୂଜା କରାଯାଉଛି । ୧୯୯୮ରୁ ଏପରି ନିଆରା ପୂଜା କରାଯାଉଛି ।