Chhath Puja 2024: ଆରମ୍ଭ ହେଲା ଛଟ୍ ପୂଜା, ଜାଣନ୍ତୁ କ'ଣ ରହିଛି ଏହାର ମହତ୍ୱ
Chhath Puja 2024: ଛଟ୍ ପୂଜା ନଭେମ୍ବର 5 ତାରିଖରୁ ଆରମ୍ଭ ହୋଇ 8 ନଭେମ୍ବର ପର୍ଯ୍ୟନ୍ତ ଜାରି ରହିବ । ଏହି ପୂଜା ବିହାର, ଝାଡଖଣ୍ଡର ମୁଖ୍ୟ ପର୍ବ, ଏହି ପର୍ବକୁ ଉତ୍ସାହର ସହ ଲୋକ ମାନେ ପାଳନ କରିଥାନ୍ତି । ଭକ୍ତମାନେ ବିଶ୍ୱାସ କରନ୍ତି ଯେ ଛଟ ଦିନ ସୂର୍ଯ୍ୟଙ୍କ ପୂଜାରେ ଛଟି ମା'ପ୍ରଶନ୍ନ ହୋଇଥାନ୍ତି ।
। ଛଟର ପ୍ରଥମ ଦିନକୁ 'ନହେ ଖୈ' ଭାବରେ ପାଳନ କରାଯାଏ ଯେଉଁଥିରେ ଘର ସଫା କରିବା, ତା'ପରେ ଗାଧୋଇବା ଏବଂ ଶାକାହାରୀ ଖାଦ୍ୟ ସହିତ ଉପବାସ ଆରମ୍ଭ କରାଯାଏ । ଦ୍ୱିତୀୟ ଦିନରେ ଭକ୍ତମାନେ ଦିନସାରା ଉପବାସ କରିବା ପରେ ସନ୍ଧ୍ୟାରେ ଖାଦ୍ୟ ଖାଆନ୍ତି ।
ଦ୍ୱିତୀୟ ଦିନରେ ଭକ୍ତମାନେ ଦିନସାରା ଉପବାସ କରିବା ପରେ ସନ୍ଧ୍ୟାରେ ଖାଦ୍ୟ ଖାଆନ୍ତି ଏହାକୁ ଖାର୍ନା କୁହାଯାଏ । ତୃତୀୟ ଦିନରେ ଛଟ ପ୍ରସାଦ ତିଆରି ହୋଇଥାଏ । ପ୍ରସାଦ, ଚାଉଳ ଲଡୁ ଏବଂ ଫଳ ଭାବରେ ଠେକୁଆ ( ମିଠା)ମଧ୍ୟ ଅନ୍ତର୍ଭୁକ୍ତ । ସନ୍ଧ୍ୟାରେ, ଅର୍ଘ୍ୟ ସୁପ୍ ଏକ ବାଉଁଶ ଟୋକେଇରେ ସଜାଯାଏ ଏବଂ ପୋଖରୀ କିମ୍ବା ନଦୀ କୂଳରେ ସାମୂହିକ ଭାବରେ ସୂର୍ଯ୍ୟଙ୍କୁ ଅର୍ଘ୍ୟ ପ୍ରଦାନ କରାଯାଏ ।
ଚତୁର୍ଥ ଦିନରେ କାର୍ତ୍ତିକ ଶୁକ୍ଲା ସପ୍ତମୀରେ ବଢୁଥିବା ସୂର୍ଯ୍ୟଙ୍କୁ ଅର୍ଘ୍ୟ ପ୍ରଦାନ କରାଯାଏ । ସାଧାରଣତଃ ମହିଳାମାନେ ଏହି ବ୍ରତ ରଖିଥାନ୍ତି । 'ଧର୍ମଯାନ' ପତ୍ରିକାର ସମ୍ପାଦକ ତଥା ବିହାରର ରାଜଧାନୀ ପାଟନାର ପ୍ରସିଦ୍ଧ ମହାବୀର ମନ୍ଦିର ସହିତ ଜଡିତ ଭୱାନାଥ ଝା କୁହନ୍ତି, "ପରମ୍ପରା ଅନୁଯାୟୀ, ଏହି ପର୍ବରେ କୌଣସି ପୁରୋହିତ ନାହାଁନ୍ତି। ବାସ୍ତବରେ, ଏହା ପଛରେ ଏକ ବ୍ୟବହାରିକ ସମସ୍ୟା ମଧ୍ୟ ଅଛି।
ସମସ୍ତେ ଗୋଟିଏ ସମୟରେ ଏହି ପର୍ବ ପାଳନ କରନ୍ତି, ତେଣୁ ଏତେ ପୁରୋହିତଙ୍କୁ ଏକାଠି କରିବା ସମ୍ଭବ ନୁହେଁ । ଭୱାନାଥ ଝାଙ୍କ ଅନୁଯାୟୀ, ଛଟ ମୂଳତଃ ଦୁଇଟି ପର୍ବ । ପ୍ରଥମଟି କାର୍ତ୍ତିକ ମାସର ଶୁକ୍ଲ ପକ୍ଷରେ ପାଳନ କରାଯାଏ । ଏଥିରେ ଛଠି ମାୟାଙ୍କୁ ପୂଜା କରାଯାଏ। ମାଆଙ୍କୁ ପିଲାମାନଙ୍କୁ ପ୍ରତିପୋଷଣ କରିବାର ଦେବୀ ବୋଲି ବିବେଚନା କରାଯାଏ ।
Click it and Unblock the Notifications
Sign in with Google