ଚଳିତ ବର୍ଷ ଏହି ତାରିଖରେ ପଡୁଛି ଅକ୍ଷୟ ତୃତୀୟା, ଜାଣନ୍ତୁ ସୁନା କିଣିବାର ଶୁଭ ସମୟ

Akshaya Tritiya 2025: ଜ୍ୟୋତିଷ ଶାସ୍ତ୍ର ଅନୁସାରେ ଅକ୍ଷୟ ତୃତୀୟାକୁ ଅତ୍ୟନ୍ତ ଶୁଭ ଦିନ ଭାବେ ବିବେଚନା କରାଯାଏ । ଏହି ଦିନ ମା ଲକ୍ଷ୍ମୀଙ୍କର ପୂଜା କରିଲେ ଶୁଭ ଫଳ ପ୍ରାପ୍ତ ହୋଇଥାଏ । ଚଳିତ ବର୍ଷ ଅକ୍ଷୟ ତୃତୀୟା ୨୦୨୫ ଏପ୍ରିଲ ୩୦ ରେ ପଡୁଛି। ଏହି ଦିନ ଦାନ, ବିଷ୍ଣୁ-ମା ଲକ୍ଷ୍ମୀଙ୍କ ପୂଜା, ସୁନା, ଯାନବାହାନ କିଣିବା ଆଦିକୁ ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ ।

ବୈଶାଖ ଶୁକ୍ଳ ପକ୍ଷର ତୃତୀୟା ତିଥି ୨୯ ଏପ୍ରିଲ୍ ୨୦୨୫ ସନ୍ଧ୍ୟା ୫.୩୧ ରେ ଆରମ୍ଭ ହେବ ଏବଂ ପରଦିନ ଅର୍ଥାତ୍ ୩୦ ଏପ୍ରିଲ୍ ୨୦୨୫ ଦିନ ୨.୧୨ ରେ ଶେଷ ହେବ। ତିଥି ଅନୁସାରେ ୩୦ ଏପ୍ରିଲରେ ଅକ୍ଷୟ ତୃତୀୟାର ପୂଜା ଏବଂ କିଣାକାଟା କରିବା ଶୁଭ ହେବ ବୋଲି ମାନ୍ୟତା ରହିଛି ।

ଅକ୍ଷୟ ତୃତୀୟାରେ ସୁନା କିଣିବାର ଶୁଭ ସମୟ ହେଉଛି ୩୦ ଏପ୍ରିଲ ସକାଳ ୫ଟା ୪୧ ରୁ ଅପରାହ୍ନ ୨ଟା ୧୨ ପର୍ଯ୍ୟନ୍ତ। ପୂଜା ସମୟ ସକାଳ ୬ଟାରୁ ମଧ୍ୟାହ୍ନ ୧୨ ପର୍ଯ୍ୟନ୍ତ ରହିଛି । କୁହାଯାଏ ଯେ ଧନତେରସ ବ୍ୟତୀତ, ଅକ୍ଷୟ ତୃତୀୟା ହେଉଛି ବର୍ଷର ଏକମାତ୍ର ଦିନ ଯେଉଁଦିନ ସୁନା କିଣିବା ଦ୍ୱାରା ଦେବୀ ଲକ୍ଷ୍ମୀ ଆପଣଙ୍କ ଘରକୁ ଆସିଥାନ୍ତି। ଏହି ଦିନ କିଣାଯାଇଥିବା ସୁନା ସ୍ଥାୟୀ ସମୃଦ୍ଧି ଆଣିଥାଏ ଏବଂ ଭବିଷ୍ୟତ ପିଢ଼ି ଏଥିରୁ ଉପକୃତ ହୁଅନ୍ତି ବୋଲି ବିଶ୍ୱାସ ରହିଛି ।

ଅକ୍ଷୟ ତୃତୀୟା ସୌଭାଗ୍ୟ ଏବଂ ସଫଳତା ଆଣିଥାଏ। ଯେଉଁମାନେ ଏହି ଦିନ ସୁନା କିଣି ପାରିବେ ନାହିଁ ସେମାନେ ମାଟି ପାତ୍ର, ପିତ୍ତଳ ଜିନିଷ, ଯବ, ହଳଦିଆ ସୋରିଷ ଇତ୍ୟାଦି କିଣିପାରିବେ। ଏହି ଜିନିଷଗୁଡ଼ିକୁ ଘରକୁ ଆଣିବା ଦ୍ୱାରା ଦେବୀ ଲକ୍ଷ୍ମୀଙ୍କ ଆଶୀର୍ବାଦ ମଧ୍ୟ ମିଳିଥାଏ। ଏହା ସହିତ ଏକ ନୂତନ ପାତ୍ର ପୂଜା କରନ୍ତୁ ଏବଂ ତାହାକୁ ଦାନ କରନ୍ତୁ।